I hoha taku whanau ki te korero. Ina ka korero ahau, ko te whakahokinga o taku tamaiti, "What's that for, ay?"
No reira, i ngana ahau ki te kimi i tetahi 'blog' e korero ana i to tatou reo rangatira...
I kite ahau i tenei - http://koreroqps.blogspot.com/
Ki te ora te reo, kei hea koutou ma e tuhi ana i te reo?
Kei hea nga patapatai i te reo? I tenei paetukutuku - http://uiangapatai.co.nz/ Ae, pono marika. Ka tu tetahi wahi mau ki te tuku atu i nga patai. Kahore etahi i te whakamahi... na tena, i iti haere nga haora, tae noa ki enei ra, a, ko tau, te whakarite i tetahi wa pai mo te ui.... Tera pea ka aukati tenei ahuatanga.
Heoi ano, ka tu te maha hoki o nga kohanga, o nga kura kaupapa, nga whanau rumaki, huri noa, huri noa... Ko te raru, kahore nga tamariki o enei ra i te mau ki te take i penei ai. Ehara ta matou whawhai, i ta ratou whawhai. Kua huri ta ratou aro ki te ao....
Kahore te reo Maori i te ora kaha.
Ko taku wawata, kia pena te reo Maori ki te reo o Bali. I taku noho ki reira, i kite ahau i te kaha o ta ratou reo. Koia te reo e kowhiri ana nga tamariki, i a ratou e takoro ana, i a ratou e mahi ana... Koia te reo e kowhiri ana nga taiohi, nga pakeke. Ina ka tiro ki te pouaka whakaata, ka rongo. I nga toa hokomaha, ka rongo. Ahakoa kei hea, ahakoa kei hea, ka rongo.
Ka tangi ahau.
Ehara te reo Maori i te reo e kowhiri ana nga tangata.
Ki te kore kowhiri etahi, ka mate.
Ka ngaro.
=(
